د خیر خانې کوتل سړک د دویم فاز د جوړولو پر وړاندې د خنډونو او ملکیتونو د پاکولو او د خاورې لیږدولو چارې، د مزار هډې له لوري څخه پیل شوې. د دغه سړک په اوږدو کې (۷۴) ملکیتونه استملاک شوي چې، د استملاک قانون له مخې به زیانمن شویو ښاریانو ته حقوق ورکړل شي. د کابل ښاروالۍ د برنامو او پروژو د تنطیم ریاست د مسئولینو په وینا، د یاد سړک د دویم فاز د جوړولو چارې به، د (۲۵۲۰) مترو په اوږدوالي او(۶۰) مترو په سور په اساسي ډول د یوه معیاري سړک د ټولو جزیاتو په ګډون ډیر ژرپیل شي. د خیرخانې کوتل سړک یو له مهمو سړکونو، اقتصادي دهلېز او د هېواد له شمالي ولایتونو سره د کابل د نښلولو مهمه سیمه ده. کابل ښاروالۍ تېر کال د دغه سړک د لومړي فاز د جوړولو او پراختیا چارې پیل کړې، چې تر اوسه یې (۸۰) سلنه پرمختګ کړی ده