د دیارلسمې ناحیې د مسئولینو د څارنو په لړکې، د دې ناحیې له بازارونو څخه (۴۶۸۶) کیلو ګرامه بې کیفیته توکي چې، دمصرف نېټه یې هم پای ته رسېدلې وه او دغه راز یو شمېر لودسپیکرونه چې، غږیزه ککړتیا یې رامنځته کړې وه راټول او د له منځه وړلو په موخه ټاکلي ځای ته ولیږدول شول. د یادې ناحیې د مسئولینو په وینا، په دغو توکو کې غوړي، مکروني، چاکلیت، شیدې، ملايي، مربا، د لوبیا کنسرو، بیسکویټ، ترشي، پاپړ، د څښاک او مینځلو مواد شامل دي. له ښاریانو څخه غوښتنه کېږي چې، د خپلې اړتیا وړ توکو د پېرلو پرمهال دې د هغو نېټې او کیفیت ته پام وکړي