د دارالامان ماڼۍ له سیمې څخه د کابل- لوګر تر سړک پورې د ګل باغ نښلوونکي سړک لومړني کارونه د کابل ښاروالۍ له خوا پیل شول. د کابل ښاروالۍ د پروژو او برنامو د تنظیم ریاست د زیربنايي پروژو د څارنې آمر انجنیر محمد حامد سادات په دې اړه وویل: دغه سړک چې، د کابل لوېدیځ له سویل سر نښلوي د اوومې او شلمې ناحیې ترمنځ په ټولیزه توګه (۳۲۰۰) متره اوږدوالی او(۳۳) متره سور لري چې، د لښتي، ګلدان، پلو لارو، د بایسکیل چلولو لیکو او نورو برخو په ګډون به یې چارې د (۱۴) میاشتو په موده کې بشپړې شي. اوس مهال د یاد سړک په خاورینې برخې کار روان دی، چې په بشپړېدو سره به یې د سیمو اقتصادي ودې ته زمینه برابره او ورسره جوخت به د بني حصار، قلعچه او لاهورۍ دروازې ترافیکي بهیر ووېشل شي