د ښاري ښکلا رامنځته کولو په موخه، د کابل ښاروالۍ له لوري د اتمې ناحیې د سوداګرو په مرسته، د کارته نو له دویم سړک څخه تر څلورم سړک پورې د کټارو د نصب او رنګولو چارې روانې دي. د اتمې ناحیې رئیس مفتي روح الله عثماني په دې اړه وویل: له دې وړاندې له دغو زرغونو سیمو څخه یو شمېر ښاریانو شخصي ګټه اخیسته او په دې ځای کې یې ناقانونه تاسیسات جوړ کړي وو چې، تر پاکولو وروسته یې د ښکلا په اړه اقدام وشو. نوموړي له خصوصي سکټور او هغه هټیوالو څخه چې، د دغو کټارو په نصب او رنګولو کې یې برخه اخیستې مننه وکړه او هیله یې څرګنده کړه ترڅو ټول ښاریان د زرغونو سیمو او عامه تاسیساتو په ساتنه کې له کابل ښاروالۍ سره مرسته وکړي. اوس مهال د(۶) کیلو متره په اوږدوالي د پخوانیو رنګ شویو کټارو سربېره، د دې سړک دواړو خواوو ته د (۲) کیلو متره په اوږدوالي د کټارو د نصب او رنګولو چارې روانې دي چې تر دوې وروسته به یې د چمن کرلو او ګلانو کېڼولو په اړه به هم اقدام وشي