د کابل ښاروالۍ د کار، ساتنې او مراقبت ریاست له خوا د ذاکرین له ښارګوټي څخه د قرغې تر سړک پورې د شمال لویدیځ نښلوونکي سړک د جوړولو چارې روانې دي. د کار، ساتنې او مراقبت ریاست د سړک جوړونې امر انجنیر محمد داود ځواب په دې اړه وویل: دغه سړک په ټولیزه توګه (۷۶۴۵) متره اوږدوالی او (۳۰)متره سور لري، چې د یوې لیکې (۳) کیلو متره برخه یې تېر کال قیر شوې ده. نوموړي زیاته کړه چې، اوس مهال د دې سړک د پاتې برخې کارونه روان دي ترڅو قیر کولو ته چمتو شي. د کابل شمال- لوېدیځ نښلوونکي سړک د جوړولو پروژه، یوه لویه پروژه ده چې، د روان کال په بهیر کې به یې چارې بشپړې شي