له نارنجي اغوستونکو څخه د ملاتړ په موخه، د رفیع الله احمدزي په نامه د یوه خیر غوښتونکي هېوادوال له لوري د تنظیف ریاست ۱۰۰۰ تنه کارکوونکو ته روژه ماتی ورکړل شو. د کابل ښاروالۍ د تنظیف رئیس مولوي سعدالله عثماني، د ښاغلي احمدزي له دې نیک احساس څخه مننه وکړه او ویې ویل: د تنظیف ریاست کارکوونکي د ښار د پاکولو په برخه کې نه ستړې کېدونکې هلې ځلې کوي، او اړتیا ده چې ټول ښاریان د تنظیف ریاست د زیار اېستونکو کارکوونکو څخه په ملاتړ کولو هغوی لا وهڅوي. اوس مهال د کابل ښاروالۍ تنظیفي کارکوونکي د شپې او ورځې په کاري شفتونو کې د ښار د بېلا بېلو سیمو په پاکولو بوخت دي ترڅو ښاریان وکولای شي په پاک چاپېریال کې خپل ژوند ته دوام ورکړي