د ملي تدارکاتو کمیسیون په غونډه کې، چې د ریاست الوزرا د اقتصادي مرستیال ملا عبدالغني برادر په مشرۍ جوړه شوې وه، د شاوخوا پنځه سوه او اتیا میلیون افغانیو په ارزښت د کابل ښاروالۍ د سړک او استوګنې د بلاکونو جوړونې(۲) پروژې منظورې شوې. د سړک جوړونې په پروژه کې د امید سبز له ښارګوټي څخه تر عرفاني سړک پورې د (۳۸۴۵)مترو په اوږدوالي د سړک جوړول او دوهمه پروژه د (۹۱) فامیلیو په سیمه کې د دوو سوداګریزو او هستوګنې بلاکونو د لومړي فاز جوړول دي چې، د قرار داد له لاسلیک وروسته به یې د جوړولو چارې پیل شي