د روژې مبارکې میاشتې د وروستۍ لسیزې او د قرآن کریم د نازلېدو په مناسبت، د کابل ښاروالۍ د کارکوونکو له خوا د قرآن عظیم الشان ختم ترسره شو. د کابل ښاروالۍ د دعوت او ارشاد رئيس مولوي رحمت الله صاحبزاده په دې اړه وویل: په دغو مراسموکې د کابل ښاروالۍ کارکوونکو د اسلام د ستر پيغمبر صلی الله عليه وسلم روح ته د دعا سربېره، د قرآن کریم ختم کړ. نوموړي زیاته کړه چې، اسلامي امت د خپل ژوند په ټولو چارو کې د قرآن پیروي کوي او د مسلمانانو لپاره اړینه ده چې د قرآن کریم په معنی پوه او د هغه له ښېګڼو سره آشنا شي او د محمد صلی الله علیه وسلم د راوړي شریعت د ټینګښت لپاره له هیڅ ډول هڅو څخه ډډه ونه کړي. په دې مبارکه میاشت کې د قرآن کریم ختمول په حقیقت کې د الله تعالی له هغهو نعمتونو څخه یادونه ده کوم چې له خیر او برکت څخه ډک دي