د کابل ښاروالۍ د کار، ساتنې او مراقبت ریاست له لوري د سابقه تایمني له څلورلارې څخه تر کارته پروان پورې د سړک په اوږدو کې د جدولونو د بیارغونې او نصبولو چارې روانې دي. د کار، ساتنې او مراقبت ریاست د مسئولینو په وینا؛ د (۶) کیلو مترو په اوږدوالي د یاد سړک په اوږدو کې هغه جدولونه چې، د بیارغونې وړ نه دي، پر ځای یې نوي جدولونه نصب او پاتې نور یې په معیاري توګه بیا رغول کیږي. جدولونه د سړک مهمه برخه ګڼل کیږي چې، د ترافیکي بهیر د ویش، د ښاري ښکلا او د ګلدانونو د پراختیا په برخه کې مهم رول لري. د یادونې وړ ده چې، دغه جدولونه به تر نصبولو وروسته په بنسټیزه توګه رنګ او ورسره جوخت به د سیمې ښکلا نوره هم زیاته شي