د کابل ښاروالۍ د کار، ساتنې او څارنې ریاست له خوا، له کوته سنګي (میرویس میدان) څخه د کمپنۍ تر چوک پورې د عمومي سړک د زیانمنو برخو د بیا رغولو چارې روانې دي. د سړک جوړونې آمر انجنير شريف الله قادري په دې اړه وويل: د ښاري تاسیساتو د ساتنې په موخه، د دغه سړک دوه اصلي کرښې چې، د وخت په تېرېدو سره زیانمنې شوې وې، له فني او تخنيکي مطالعاتو وروسته د پرمختللې ماشینرۍ په وسیله په اساسي توګه بیا رغول کیږي. هغه سړکونه چې زیانمن شوي وي د اړتیاوو له ارزونې او تخنیکي مطالعاتو وروسته به یو په بل پسې بیا ورغول شي. د کابل ښاروالۍ د کار، ساتنې او څارنې ریاست په ۱۴۰۳ کال کې پلان لري چې، د ښار په بېلابېلو برخو کې تر (۹۰)کیلومترو زیات سړکونه بیا ورغوي