د لومړۍ ناحيې مسئولينو د څارنې او پلټنې په ترڅ كې د دې ناحیې له مال ګودامونو او هټيو څخه (۳۰۰۰)كيلو ګرامه بې كيفيته خوراکي او غیر خوراکي توکي چې د مصرف نېټه یې هم پای ته رسېدلې وه او دغه راز يو شمېر لودسپيكرونه چې د غږیزې ککړتيا لامل کېدل راټول او د له منځه وړلو په موخه يې ټاکلي ځاى ته ولېږدول. د لومړۍ ناحيې د چاپېريال ساتنې مدیر احمد ضيا تسکين په دې اړه وويل: په دغو توکو کې غوړي، مکروني، چاکلېټ، شيدې، قهوه، مربا، آچار، د لوبيا، نخود او کبانو کنسرو، بسکویټ، ترشي، غیر الکولي مشروبات او د مينځلو مواد شامل دي. له ښاریانو څخه هیله کیږي چې د خپلو اړتیا وړتوکو د پیرودلو پر مهال د هغو نېټې او کیفیت ته پام وکړي