د کابل ښاروالۍ لخوا او د ملګرو ملتونو د پروژوي خدمتونو د دفتر په مرسته، د نهمې ناحیې د ۷م ګذر اړوند د (ب) برخې په هوتخیلو سیمه کې د دوه کوڅو د جوړولو چارې روانې دي. دا پروژه په ټولیزه توګه (۵۴۲) متره اوږدوالی او (۳) متره سور لري چې، د لښتیو په ګډون به یې چارې د دوه میاشتو په موده کې په بنسټیزه توګه بشپړې او ورسره جوخت به د سیمې د اوسېدونکو پروړاندې شته موسمي ستونزې حل شي. د یاد ګذر وکیل همایون له کابل ښاروالۍ سره د پروژو په پلي کولو کې د مرستې ژمنه وکړه او ویې ویل: د دې پروژې له لارې یو شمېر هېوادوالو ته د کار زمینه هم برابره شوې ده