کابل ښاروال مولوي عبدالرشید د ښار په کچه د سړک جوړونې پروژو له کار څخه د لیدنې پر مهال د یادو پروژو د کار پر کیفیت او چټکتیا ټینګار وکړ او په همدې توګه د سړک جوړونې د هغه پروژو له سیمو څخه یې هم څارنه وکړه چې، ټاکل شوې ده برابرې پراختیا ته په کتو یې چارې پیل شي. نوموړي مسئولانو ته لارښوونې وکړې چې، د زیربنايي پروژو په کار کې دې غفلت نه کوي او له فرصت څخه په ګټه اخیستلو دې د ماسټر پلان له مخې د نویو پروژو د تدارکاتي پړاونو ترسره کولو په اړه اقدام وشي. کابل ښاروال د شمال- لودېدیځ نښلوونکي سړک، د عدلیې وزارت له مخې د افشار دارالامان له سړک، د کمپنۍ- برچي له نښلوونکي سړک او یو شمېر نورو تر کار لاندې سړکونو څخه لیدنه وکړه او مسئولانو ته یې وویل: د یادو پروژو د کار د بشپړېدو په برخه کې دې هیڅ راز ځنډ نه راوستل کیږي او د کابل ښاروالۍ تخنیکي ټیمونه دې د پروژو له بېلابېلو پړاونو څخه پر وخت څارنې وکړي ترڅو، دا پروژې په معیاري او سمه توګه پلې او بشپړې شي. د چارو د پر وخت او غوره ترسره کېدو په موخه کابل ښاروال وخت ناوخت د پروژو د کار له جریان څخه څارنه کوي. د دې څارنو یوه موخه داده ترڅو د بیت المال پانګه بې ځایه مصرف نشي