د کابل ښاروالۍ له لوري د آغاخان کلتوري بنسټ په مرسته د درېیمې ناحیې اړوند د آسمايي غره په لمن کې د پل آرتل خوا ته د زینو او زرغونو سیمو د جوړولو چارې روانې دي. په یاده سیمه کې د ٣٨٠ مترو په اوږدوالي، له ٤٠ تر ٥٠ سانتي مترو په سور او د ٢٠ سانتي مترو په لوړوالي د زینو او له ٢٠ څخه تر ٨٠ متر مربع په پراخوالي د ١٧ زرغونو سیمو د جوړولو چارې روانې دي چې، د احاطې جوړول، د کرنیزې خاورې لیږدول، د ګلانو او نیالګيو کېنول، چمن کرل او د زینو جوړول هم پکې شامل دي. د دې زرغونو سیمو په جوړېدو سره به د آسمايي تاريخي غره د لمنې او په ټوله کې د کابل ښار ښکلا ډېره شي. د یادونې وړ ده چې، له دې پروژې څخه ګټه اخیستونکي د آسمايي غره په سر اوسېدونکي دي چې، له زینو سربېره به له زرغونو سیمو هم ګته اخلي