د کابل ښاروالۍ په وړاندیز او د ریاست الوزرا د محترم مقام په منظورۍ، د لومړۍ ناحیې پخوانی مرستیال مولوي شبیر احمد تبدیلاً د نهمې ناحیې د رئیس په توګه، د نهمې ناحیې پخوانی رئیس حافظ حیات الله حیات تبدیلاً د یو ویشتمې ناحیې د رئیس په توګه او د یو ویشتمې ناحیې پخوانی رئیس مولوي شمس الدین الهام تبدیلاً د لومړۍ ناحیې د مرستیال په توګه ټاکل شوي او د کابل ښاروالۍ مقام د دفتر د رئیس حافظ عبدالقدیر حقاني له خوا خپلو همکارانو ته ور وپېژندل شول. د کابل ښاروالۍ مقام د دفتر رئیس د چارو د ښه او پر وخت ترسره کېدو په برخه کې د کابل ښاروالۍ د مشرتابه لارښوونې په ډاګه کړې او ویې ویل: په اداره کې د چارو د ښه والي په موخه، بدلون یو اصل دی او یاد اشخاص ژمن، صادق او له غوره کاري تجربو څخه برخمن دي. نوموړي زیاته کړه چې، د کابل ښاروالۍ مشرتابه هیله لري ترڅو دوی خپل مسئولیتونه په پوره رښتینولی ترسره او د ښاریانو رضایت ترلاسه کړي