د کابل ښاروال مولوي عبدالرشید په مشرۍ د ښار په کچه د پانګې اچونې د شته فرصتونو په اړه د کابل ښاروالۍ د بېلابېلو څانګو د مسئولانو په ګډون غونډه ترسره شوه او اړینې پرېکړې ترسره شوې. کابل ښاروال هغه سیمې چې د پانګې اچونې لپاره برابرې دي و ارزولې او د لا بډاینې په برخه کې یې خپل وړاندیزونه او نظرونه شریک کړل. کابل ښاروالي پلان لري چې ،دښار د اقتصادي ودې لپاره د پانګې اچونې په برخه کې اسانتیاوې رامنځته کړي تر څو د ښار د معیاري او برابرې پراختیا ته لا ښه زمینه برابره شي. کابل ښاروالي د خصوصي سکټور د هڅونې او پانګې اچونې په برخه کې چمتوالی لري . په غونډه کې مسؤلینو ته سپارښتنه وشوه چې، د یو شمېر سوداګریزو ودانيو تخنیکي او تدارکاتي اسناد چمتو کړي ترڅو د جوړولو په اړه یې اقدام وشي