د لسمې ناحیې اړوند شهرنو او نورو سیمو بازارونو کې د ښاري اصولو او مقرراتو له اړخه ښاري نظم وڅارل شو او سرغړونکو ته له تادیب سربېره، اړینې سپارښتنې وشوې. د لسمې ناحیې ریئس مولوي نورالوهاب نوري په دې اړه وویل: د څارنو په لړ کې د خوراکي او غیر خوراکي توکو د مصرف نېټه او د نانوایانو ، قصابانو او رستورانتونو دچاپېریالي حفظ الصحې له څرنګوالي څخه څارنه وشوه. نوموړي زیاته کړه: نانوایانو ته سپارښتنه وشوه چې وچه ډوډۍ دې په ټاکلي وزن او لوړ کیفیت سره چمتو او وپلوري. دغه راز د بېلابېلو اصنافو فعالیت کوونکو ته ټینګار وشو څو په سړکونو او پلولارو کې د خنډونو له جوړولو ډډه وکړي او خپل توکي د کابل ښاروالۍ د نرخنامې مطابق وپلوري. د روغتیا کارت درلودل، د فعالیت ځای په کاشي باندې سمبالول او نور روغتیایی مسایل، له هغه مواردو څخه دي چې د رستورانتونو، قصابیو او نانوایي فعالیت کوونکي یې باید په جدي توګه په پام کې ونیسي