په درېیمه ناحیه کې د کابل ښاروالۍ د مسئولانو له لوري کابل سیند ته په غځېدلو لښتیو او کانالونو کې د کورنو د فاضلاب له لیږدولو او اچولو څخه مخنیوی وشو او سرغړونکي له تادیب او سپارښتنو سره مخ شول. په هغه لښتیو او کانالونو کې چې، له کابل سیند سره نښلول شوي دي د فاضلاب اچول په جدي توګه څارل کیږي. ښاریان باید د فاضلاب لپاره غیر جذبوونکې سپتیک څاګانې وکیندي او لښتیو ته له را پرېښودلو څخه یې مخنیوی وکړي. د کابل ښاروالۍ د چاپېریالي روغتیا او چاپېریال ساتنې ریاست د کابل سیند له ککړتیا څخه د مخنیوي په موخه له سرغړونکو څخه لیکل شوې ژمنې اخیستې دي ترڅو د خپلو کورونو د فاضلاب لارې بندې کړي. د ژمنو په پایله کې یو شمېر خپل فعالیتونه اصلاح کړي او یو شمېر نور له قانوني چلند سره مخ شوي دي