د ښاري او سیمه ییزو ستونزو د پېژندنې او د هغو د حل په موخه، کابل ښاروال مولوي عبدالرشید د درېیمې او دیارلسمې ناحیې له یو شمېر مشرانو او د خلکو له استازو سره وکتل. په دې کتنه کې کابل ښاروال د سړکونو، لښتیو، تنظیفي او د زرغونتیا خدمتونو او د عامه تاسیساتو د کموالي په برخو کې د دوی ستونزې واورېدې او ویې ویل: کابل ښاروالۍ به د متوازنې پراختیا د اصولو پر بنسټ او د امکاناتو او سرچینو په پام کې نیولو او له ښاري قوانینو او مقرراتو سره سم، د بېلابېلو ناحیو د اوسېدونکو اړتیاوو او پر ځای غوښتنو ته رسېدنه وکړي. دغه راز کابل ښاروال څرګنده کړه چې، ښاري برنامې او پلانونه به د ښاریانو له رغنده او ګټورو نظریاتو څخه په ګټې اخیستنې سره جوړ او وروسته به یې پلي کړي