د بغلان ولایت له سیلاب ځپلو سره د خواخوږۍ او ډاډګیرنې په موخه، د کابل ښاریانو مرستې د کابل ښاروال مولوي عبدالرشید او ورسره مل پلاوي لخوا بغلان ولایت ته ولېږدول شوې او په داسې حال کې چې، د بغلان والي مولوي عبدالرحمن حقاني هم شتون درلود، د مرستو راټولولو کمېټې ته چې، مشري یې د بغلان ولایت د عالمانو شورا کوي وسپارل شوې. کابل ښاروال د خپلې خواخوږۍ او غمشریکۍ دڅرګندولو په ترڅ کې وویل: د زیانمنو کورنیو ستونزو ته رسېدنه کیږي؛ ځکه د افغانانو ترمنځ مینه او دوستي شته او د بغلان ولایت له سیلاب ځپلو سره د مرستې په برخه کې ټول افغان ملت د دوی تر څنګ ولاړ دی. کابل ښاروال زیاته کړه: د بغلان ولایت له سیلاب ځپلو سره د مرستې په موخه، د کابل ښار د سیمه ییزو شوراګانو له لارې شپږ میلیونه او ۵۰ زره افغانۍ نغدې پیسې او لس لارۍ د خواړو توکي، جامې او د کور نور اړین وسایل راټول شوي دي او ډېر ژر به د ځانګړې کمېټې له لارې په واقعي اړمنو کورنیو ووېشل شي