د کابل ښاروالۍ له لوري په پنځمه ناحیه کې له کورونو څخه لښتیو ته د فاضلاب له را لېږدولو مخنیوی وشو او سرغړونکو ته له تادیب سربېره، اړینې سپارښتنې وشوې د ښار او هوا له ککړتیا څخه د مخنیوي په موخه، له کورونو څخه لښتیو ته د فاضلاب پرېښودل شویو لارو د بندولو لړۍ په جدي توګه څارل کیږي. سرغړونکي باید د خپلو کورونو د فاضلاب لپاره جذب نه لرونکې سپتیک څاګانې وکیندي او لښتیو او کانالونو ته د فاضلاب لارو له را پرېښودلو څخه ډډه وکړي. تر دې وړاندې د کابل ښاروالۍ د چاپېریال ساتنې او چاپېریالي روغتیا ریاست په بېلابېلو ناحیو کې د هوا او چاپېریال له ککړتیا څخه د مخنیوي په موخه، له سرغړونکو څخه لیکل شوې ژمنې اخیستې دي ترڅو د خپلو ودانیو د فاضلاب لارې لښتیو، کانالونو او کابل سیند ته را پرېنږدي