د کابل ښاروالۍ د چاپېریالي روغتیا او چاپېریال ساتنې ریاست له لوري د معدني اوبو د ویش شرکتونو له استازو سره د غږیزې ککړتیا د مخنیوي په موخه غونډه ترسره شوه. د چاپېریالي روغتیا او چاپېریال ساتنې ریاست رئیس مولوي یاسر عمري د معدني اوبو د شرکتونو له لوري شته غږیزه ککړتیا د اندېښنې وړ وبلله او ویې ویل: څرګنده ده چې، د معدني اوبو د ویش شرکتونه د اوبو د لېږد پر مهال له لوډسپیکرو څخه ګټه پورته کوي او دې کار ښاریان له ګواښ سره مخ کړي دي؛ ځکه غږیزه ککړتیا د ذهني ګډودۍ او د اورېدو حس د کمزورتیا سبب ګرځي. نوموړي له یادو شرکتونو څخه غوښتنه وکړه ترڅو د غږیزې ککړتیا سبب ونه ګرځي او د خپلو تولیداتو د پلور لپاره بدیلې لارې وسنجوي. له دې پرته به له قانوني چلند سره مخ شي. ښاغلي عمري وړاندې وویل: غوره ده ترڅو د معدني اوبو شرکتونه د لوډسپیکرو پر ځای له تبلیغاتي وزیت کارتونو څخه ګټه پورته کړي