د کابل ښاروالۍ د تنظیف ریاست له لوري د ښار په بېلابېلو ناحیو کې د قربانۍ له امله د توليد شويو کثافاتو راټولولو او لیږدولو چارې روانې دي. کابل ښاروالۍ ښاریانو ته د آسانتیاوو رامنځته کولو او د ښار د پاکوالي په موخه، په بېلابېلو ناحیو کې د اختر د قربانۍ له امله رامنځته کېدونکو کثافاتو ته ځانګړې کثافات دانۍ ځای پر ځای کړې دي، چې په عادي توګه خالي او لېږدول کیږي. د ښاري کلتور د دودولو، د چاپېریال د پاک ساتلو او د ښاري اصولو په مراعتولو سره ښاریان باید د خپل ښار په صفايۍ او نظم کې برخه واخلي، او په دې کار سره خپل دیني او ملي مسؤلیت ترسره کړي