د ښار د پاکوالي په موخه، د یوه تنظیفي حشر په ترڅ کې د اوومې ناحیې اړوند له کابل سیند او نورو سیمو څخه کثافات راټول او ولیږدول شول. په دې ګډ کار کې د کابل ښاروالۍ د مسئولینو سربېره، یو شمېر تنظیفي شرکتونو، دیني عالمانو، ګذر وکیلانو او د ځوانانو استازو هم ګډون کړی ؤ. د اوومې ناحیې رئیس مولوي عبدالغفور غفوري په دې حشر کې د ښاریانو له ګډون څخه مننه وکړه او ویې ویل: د دې کار په ترسره کولو سره د تنظیف په برخه کې موجوده ستونزې تر ډېره حل شوې. دغه راز نوموړي د سیمې له اوسېدونکو غوښتنه وکړه چې، کثافات په ټاکل شویو ځایونو کې واچوي ترڅو د تنظیفي کارکوونکو له لوري پر وخت ولېږدول شي