د کابل ښاروالۍ له لوري او د خصوصي سکټور په مرسته، د (۷۲۸۰) متر مربع مساحت سره د لومړۍ ناحیې اړوند د سپاهي ګمنام چوک او پل خشتي تر منځ سیمه کې ترځمکې لاندې یوه مارکېټ د جوړولو چارې پیل شوې. دغه مارکېټ چې، د یادې سیمې د اقتصادي ودې او د ګڼه ګوڼې د کمښت په موخه، په پرمختللې او معیاري بڼه ډیزاین شوی د روان کال په بهیر کې به جوړ شي. اوس مهال د یاد مارکېټ بنسټیزې چارې چې، د هټیو او پلو لارو جوړول پکې شامل دي په دوه کاري شفتونو کې روانې دي