د ظرفیت لوړونې شپږ ورځنی ورکشاپ چې، د کابل ښاروالۍ د مرکزي ریاستونو او د ناحیو مرستیالانو لپاره په لاره اچول شوی و، د کابل ښاروالۍ د ښاري پراختیا او پلان جوړونې مرستیال ډاکټر صدرالدین تاجک لخوا د تصدیق پاڼو په ویشلو سره پای ته ورسید. د ښاري پراختیا او پلانو جوړونې مرستیال دغه ورکشاپ ګټور وباله،او د بشري سرچینو ریاست د روزنې او ظرفیت لوړونې آمریت ته یې سپارښتنه وکړه چې د کابل ښاروالۍ د بېلابېلو څانګو د ظرفیت لوړونې په موخه دې په راتلونکي کې هم ورته ورکشاپونه جوړ شي. په دې ورکشاپ کې ګډون کوونکوته د برنامو او پلان جوړونې، د چارو د تنظیم، همغږۍ، رهبرۍ، د فعالیتونو کنټرول، د دندو د ترسره کولو پر مهال د تېروتنو کمولو، د مدیریتي او مسلکي مهارتونو د کچې لوړولو، صداقت او امانتدارۍ، د زیان منونکو ټکو پېژندنه او د مقرراتو او اداري اصولو پر بنسټ د اجرااتو ترسره کولو په اړه معلومات ورکړل شول