ترانسپورتي او ښاري آسانتیاوو ته دښاریانو د لاس رسي په موخه، د کابل ښاروالۍ له لوري د کارته نو له درېیم سړک څخه د کارته نو تر تپې پورې د یاد سړک د فرعي لیکو د پاتې برخو د جوړولو چارې به ډیر ژر پیل شي. د اتمې ناحیې رئیس مفتي روح الله عثماني د یادو فرعي سړکونو په اوږدو کې میشتو اوسېدونکو او اصنافو ته خبر ورکړی چې، ژرتر ژره دې یاده سیمه خالي کړي ترڅو د سړک پر وړاندې شته خنډونه پاک شي. ټاکل شوې ده چې د لښتیو، پلو لارو او ګلدانونو په ګډون به د دوه کیلو مترو په اوږدوالي د کارته نو سړک د فرعي لیکو د پاتې برخو د جوړولو چارې ډېر ژر پیل شي. د یادونې وړ ده چې، کابل ښاروالۍ تېر کال د سیاه سنګ له نقلیې څخه د کارته نو تر لومړي سړک پورې د یاد سړک د یوې فرعي لیکې چارې بشپړې کړې دي. د کارته نو سړک د فرعي لیکو په جوړېدو سره به په یاده سیمې کې ترافیکي ګڼه ګوڼه کمه او د سیمو اقتصادي ودې ته به زمینه برابره شي