د کابل ښاروالۍ د تنظیف ریاست د زیارکښه کارکوونکو له لوري د اوومې ناحیې په بېلابېلو سیمو کې د بندو لښتیو او کانالونو د پاکولو چارې چې،د وروستیو موسمي اورښتونو له امله بند شوي وو، پیل شوې. بل خوا د دغو کانالونو او لښتیو د بندیدو لامل، دیو شمیر بې پروا ښاریانو له خوا د کثافاتو او نورو بیکاره څیزونو اچول ښودل شوي دي. د اوومې ناحیې رئیس مولوي عبدالغفور غفوري په دې اړه وویل: ټاکل شوې ده د یادې ناحیې په کچه ټول بند لښتي او کانالونه بیا ځلي پاک شي او له ښاریانو یې غوښتنه وکړه چې، د پاکو شویو کانالونو او لښتیو پاک ساتلو ته په جدي توګه پام وکړي. ورته مهال د تنظیف ریاست د کانالونو آمر انجنیر نوید احمد شیرزاد ډاډ څرګند کړ چې، د ښار په کچه به ټول بند لښتي او کانالونه په اساسي توګه پاک شي ترڅو سړکونو ته د اوبو له راختلو مخنیوی وشي