کابل ښاروال مولوي عبدالرشید د کابل ښار د هوټلونو د مالکانو ټولنې له استازو سره په کتنه کې د ښاري خدمتونو د محصول راټولولو، د یو شمېر هغه هوټلونو لپاره چې، د کابل ښاروالۍ په ملکیت کې جوړ شوي د کرایې ټاکلو، چاپېریالي مسایلو او د دوی د فعالیت د څرنګوالي په اړه بحث او خبرې وکړې. کابل ښاروال د دوی د ستونزو تر اورېدو وروسته وویل: کابل ښاروالي د پورته ذکر شویو مواردو په اړه ځانګړې کړنلارې لري ترڅو له یوې خوا د یادې ادارې عواید په معیاري او شفافه توګه راټول او له بلې خوا د ودونو د هوټلونو فعالیتونه د ښاري اصولو او مقرراتو سره سم تنظیم شي. کابل ښاروال څرګنده کړه چې، د کابل ښاروالۍ عواید د ښاري خدمتونو وړاندې کولو مهمه سرچینه ده او باید په ورکړه کې یې هیڅ ډول ځنډ او غفلت ونه شي