د کابل ښاروالۍ د پلان جوړونې او ښاري پراختیا مرستیال ډاکتر صدرالدین تاجک د ترکیې هېواد اړوند د تیکا موسسې له رئیس ښاغلي فاضل آکین اردوغان سره په کتنه کې په کابل ښار کې د هوايي پلونو د ډیزاین په اړه بحث او خبرې وکړې. د کابل ښاروالۍ د پلان جوړونې او ښاري پراختیا مرستیال وویل: د کابل او د ترکیې هېواد د ښارونو ترمنځ د دوستۍ اړیکې لا پیاوړې او په علمي او تخنیکي برخه کې باید دوه اړخیزه همکاري ترسره شي. نوموړي هیله وښوده ترڅو، تیکا موسسه د هوايي پلونو د ډیزاین په برخه کې له کابل ښاروالۍ سره همکاري وکړي. دغه راز د ټيکا موسسې رئیس د افغانانو او ترکانو د اوږدې دوستۍ د څرګندولو په ترڅ کې ژمنه وکړه چې، د نويو هوايي پلونو د ډيزاين او د ښاري اسانتياو د رامنځته کولو په برخه کې به له کابل ښاروالۍ سره مرسته وکړي
د ترکیې هېواد تیکا مؤسسې د هوايي پلونو د ډیزاین په برخه کې له کابل ښاروالۍ سره د همکارۍ ژمنه وکړه
2 اسد 1403