د کابل ښاروالۍ د بشري سرچینو ریاست د ظرفیت لوړونې آمریت له لوري د اتمې، دوولسمې، یو ویشتمې او دوه ویشتمې ناحیې له نویو ګمارل شویو کارکوونکو سره د ( ادارې او مدیریت بنسټونه) تر سرلیک لاندې درې ورځنۍ ورکشاپ پای ته ورسېد. د بشري سرچینو ریاست د ظرفیت لوړونې آمر حمیدالله عطايي وویل: په دېورکشاپ کې د کارکوونکو د ظرفیت لوړونې په موخه د ادارې او مدیریت د اصولو پېژندلو، پلان جوړونې، کاري ستونزو هوارولو، د مکتوب لیکنې په اړه د پوهې لوړولو، له مراجعینو سره د نیک چلند، رښتینولۍ او امانتدارۍ، همغږۍ، د فعالیتونو د کنټرول او یو شمېر نورو موضاعاتو په اړه معلومات وړاندې شول. نوموړي زیاته کړه چې، له داسې ورکشاپونو څخه موخه د یوې غښتلې او کاري ادراې رامنځته کول دي ترڅو د څانګو مسئولان وکولای شي خلکو ته پر وخت او معیاري خدمتونه وړاندې کړي.