د ښاريانو د روغتيا د خونديتوب په موخه، د اوولسمې ناحيې د مسئولینو له خوا دیادې ناحیې له بازارونو څخه د څارنو په لړ کې (۱۶۶۴) کيلوګرامه بې کیفیته خوراکي او غیرخوراکي توکي چې، د مصرف نېټه یې هم پای رسېدلې وه او یو شمېر لوډسپيکرونه چې، د غږيزې ککړتیا لامل ګرځېدلي وو راټول او د له منځه وړلو په موخه ټاکلي ځای ته ولیږدول شول. په دغو توکو کې مکروني، شیدې، قیماق، اچار، د لوبیا او نخودو کنسرو، چپس، چاکلیټ، بسکویټ، شامپو، صابون، کچپ او یوه اندازه د مینځلو مواد شامل دي. له ټولو ښاریانو څخه هیله کیږي چې، د خپلو اړتیا وړ توکو پیرودلو پر مهال د هغو نېټې او کیفیت ته پام وکړي او پلورونکي دې د بی کیفیته توکو له پلورلو په کلکه ډډه وکړي