کابل ښاروال مولوي عبدالرشید د دیارلسمې ناحیې اړوند د کاکړو، کارېز توت او ورڅېرمه سیمو له اوسېدونکو سره په کتنه کې ټولنیزو او ښاري آسانتیاوو ته د یادې سیمې اوسېدونکو د لاس رسي په اړه بحث او خبرې وکړې. د یادو سیمو اوسېدونکو د ښار د آبادۍ او معیاري ودې په برخه کې د کابل ښاروالۍ د مشرتابه هڅې وستایلې او د سړکونو د خاموالي، دتنظیف، زرغونتیا او نورو ښاري خدمتونو په برخو کې یې خپلې ستونزې له کابل ښاروال سره شریکې کړې. کابل ښاروال په خپلو خبرو کې له دوی سره ژمنه وکړه چې، برابرې پراختیا او شته امکاناتو ته په کتو به یې ستونزو او پر ځای غوښتنو ته رسېدنه وشي