د کابل ښاروالۍ د کار، ساتنې او مراقبت ریاست له لوري د پنځمې او شپږمې ناحیې اړوند له کوټه سنګي ( میرویس میدان) څخه تر پلُ سوخته پورې د ځمکې د سطحي اوبو د مدیریت او د لښتيو پاکولو په برخه کې د آسانتیاوو رامنځته کولو په موخه، د ۱۷ منهولونو د جوړولو چارې روانې دي. د کار، ساتنې او مراقبت ریاست د سړکونو د بیارغونې آمر په دې اړه وویل: دا کار د زیانمنو سیمو تر پېژندلو وروسته ترسره کیږي ترڅو، په راتلونکې کې سړکونو ته د اوبو د راختلو مخه ونیول شي. نوموړي زیاته کړه چې، د منهولونو او سلبونو جوړول، د کالوردونو نصبول او له عمومي کانالونو سره د لښتیو نښلول د ځمکې د سطحي اوبو د مدیریت په برخه کې د کابل ښاروالۍ له مهمو پروژو څخه شمېرل کیږي چې، د ښار په بېلابېلو سیمو کې به پلې شي
له کوټه سنګي څخه تر پلُ سوخته پورې د سړک په اوږدو کې د ځمکې د سطحي اوبو د مدیریت پروژې چارې روانې دي
13 سنبله 1403