د دوهمې ناحیې اړوند د فروشګاه په سیمه کې د یوه سوداګریز مارکیټ د جوړولو چارې چې، څه موده وړاندې د کابل ښاروالۍ له خوا او د خصوصي سکتور په مرسته د مشارکت اصل له مخې پیل شوې وې، په ښه کیفیت او چټکتیا سره روانې دي. دغه مارکېټ د ښار د اقتصادي ودې په موخه، په (۱۶۴۳) متر مربع ځمکه کې د دوو تهکویو په لرلو سره په (۹) پوړونو کې د کابل ښاروالۍد نقشې مطابق جوړېږي چې تر اوسه یې (۳۰) سلنه چارې مخته تللې دي او ټاکل شوې ده تر راتلونکو(۹)میاشتو پورې بشپړې شي. د یاد مارکېټ دوه لاندني پوړونه د وسایطو د پارکېنګ لپاره ځانګړي شوي دي او په پورتنیو پوړونو کې یې (۸۰۰) هټۍ جوړېږي چې، د لمریزې او ښاري برښنا سربېره پکې د خوندیتوب مسایل، د اور وژني سیستم، جومات، د سپورټ او نندارتون لپاره ځانګړي ځایونه او د وتلو او ننوتلو دروازې هم په پام کې نیول شوې دي