د واټونو او څلورلارو د نومونې کمیسیون له لوري د دویمې ناحیې اړوند په ده افغانانو سیمه کې د ( زیرزمینۍ) څلورلارې د ( فرهنګ) څلورلارې په نامه ونومول شوه. د اطلاعاتو او کلتور وزارت د کلتور او هنر مرستیال مولوي عتیق الله عزیزي وویل چې، یاد کمیسیون په خپلو لومړنیو کړنو کې دا څلورلارې ونومله او په راتلونکې کې به د کابل ښار یو شمېر سیمې تاریخي او علمي ارزښتونو ته په کتو عملاً ونومول شي. ورته مهال د کابل ښاروالۍ د کلتوري چارو رئیس قاري ولي ګل جواد وویل: د واټونو او څلورلارو د نومولو کمیسیون له بېلابېلو ادارو څخه جوړ شوی دی چې، کلتوري او تاریخي ارزښتونو ته په کتو به د کابل ښار د یو شمېر څلورلارو او واټونو نومونه تنظیم کړي. دا چې، فرهنګ( کلتور) د یوې ټولنې مادي او معنوي ارزښتونه بلل کیږي؛ له دې کبله د اصیل افغاني او اسلامي کلتور د بډاینې په موخه یاده څلورلارې د ( فرهنګ) څلورلارې په نامه ونومول شوه