د کابل ښاروالۍ د چاپېریالي روغتیا او چاپېریال ساتنې ریاست د سپارښتنو په اساس، د څلورمې ناحیې اړوند د مارکیټ په سیمه کې د یو شمېر کلچو پخولو کارخونو فعالیتونه له روغتیايي معیارونو سره سم تنظیم شول. د کابل ښاروالۍ د چاپېریالي روغتیا او چاپېریال ساتنې ریاست مرستیال مولوي فضل کریم احمد په دې اړه وویل: تر دې وړاندې د دغو کارخونو کارکوونکو ته د فعالیت په سیمه کې د پاکوالي او نورو اړینو روغتیایي مسایلوپه اړه پوهاوی ورکړل شوی ؤ، چې په پایله کې یې د ځینو کارخونو فعالیت د کابل ښاروالۍ له مقرراتو سره سم تنظیم شوي ؤ چې وستایل شول او یو شمېر نوروته چې سرغړونې یې درلودې خبرداری ورکړل شو تر څو خپل فعالیت د ښاروالۍد مقرراتو مطابق تنظیم کړي، او له دې پرته به یې فعالیت بند شي