د څلورمې ناحیې د مسئولینو له لوري، د دې ناحیې اړوند بازارونو څخه د څارنو په لړ کې (۱۹۰۰) کیلو ګرامه بې کیفته خوراکي او غیر خوراکي توکي چې، د مصرف نېټه یې هم پای ته رسېدلې وه، او دغه راز (۱۱۰) لوډسپیکرونه چې د غږیزې ککړتیا لامل ګرځېدلي وو راټول او د له منځه وړلو په موخه ټاکلي ځای ته ولېږدول شول. د څلورمې ناحیې رئیس مولوي عبدالرحمن رباني په دې اړه وویل: د ښاریانو د روغتیا خوندیتوب په موخه، د یادې ناحیې د چاپېریال ساتنې څانګې له خوا څارنې روانې دي او هیله مو داده چې، ښاریان دې د خپلو اړتیا وړ توکو د پېرلو پر مهال د هغو نېټې او کیفیت ته پام وکړي. دغه راز د غږیزې ککړتیا د مخنیوي په موخه، د یادې ناحیې د مسئولینو څارنې جدي شوې دي. فعالیت کوونکي او اصناف ته سپارښتنه کېږي چې، د خپلو توکو د پلورلو لپاره له لوډسپیکر څخه کار وانخلي، او هم دې په کوڅو او سړکونو کې د غږیزې ککړتیا رامنځته کولو له امله د ښاریانو ژوند له ستونزو سره نه مخ کوي