کابل ښاروال مولوي عبدالرشید د ښاري ستونزو د حل په برخه کې د ښاریانو د نظرونو د اورېدو په موخه، د افغانستان د بیارغونې بنسټ له رئیس دُرمحمد آشنا او غړو سره وکتل او په یو شمېر موضوعاتو یې بحث او خبرې وکړې. کابل ښاروال د دې ادارې د پلانونو دپلي کېدو په برخه کې د ښاریانو نظرونه او وړاندیزونه ګټور وبلل او ویې ویل: اړتیا ده چې، ښاریان د ښاري مدیریت په برخه کې خپل ګټور او پر ځای نظرونه او وړاندیزونه د یادې ادارې له مشرتابه سره شریک کړي. ورپسې د ياد بنسټ رئیس د کابل ښار راتلونکی د مثبتې ارزونې تر څنګ، د عصري او پرمختللو ښاري ارزښتونو پر بنسټ د دغه ښار د متوازنې پراختیا او ودې په برخه کې د کابل ښاروالۍ پر کار او فعالیت خوښي وښوده او د کثافاتو د مدیریت په برخه کې یې د پانګونې ژمنه وکړه.