د کابل ښاروالۍ له لوري د (۱۳۳۰) مترو په اوږدوالي او له (۱۰) څخه تر (۱۴) مترو پورې په سور سره، د لومړۍ ناحیې اړوند د کابل د منډوي سړکونو د جوړولو چارې روانې دي. دغه سړکونه د معمارۍ د پخواني سبک له مخې له تیږو څخه جوړېږي چې، ورسره جوخت به د یادې سیمې هټیوالو او ښاریانو ته آسانتیاوې رامنځته شي. دغه پروژه چې، د لښتیو او پلولارو جوړول هم پکې شامل دي د نږدې (۱۰) میاشتو په موده کې به بشپړه شي. د منډوي سړکونو له پُل باغ عمومي څخه پیل کیږي او د پُل خشتي، میوند واټ، د چنداول مخامخ، باغبان کوچه او د شاه دو شمشېره پله په لور غځیږي. د یادولو وړ ده چې، د کار د چټکتیا او ښاریانو ته د تګ راتګ په برخه کې د آسانتیاوو رامنځته کولو په موخه به د دې پروژې چارې په دوه کاري شفتونو (شپه او ورځ) کې ترسره شي