د ښاریانو د روغتیا خوندیتوب په موخه، د لسمې ناحیې د مسئولینو له لوري له بازارونو څخه د څارنې په لړ کې، (۹۰۰) کیلو ګرامه بې کیفیته توکي چې د مصرف نېټه یې هم پای رسېدلې وه، او دغه راز (۶۸) لوډسپیکرونه چې، د غږیزې ککړتیا لامل ګرځېدلي وو راټول او د له منځه وړلو په موخه ټاکلي ځای ته ولېږدول شول. د لسمې ناحیې د چاپېریال ساتنې مدیر عبدالله په دې اړه وویل: په راټولو شویو توکو کې شیدې، ملايي، چاکلیت، بیسکویت، کېک، عسل، پاپړ، ژاولې، د څښاک غیر الکولي، د مینځلو او غیر خوراکي مواد شامل دي. دغه راز نوموړي له ټولو پلورونکو څخه غوښتنه وکړه چې د بې کیفیته او تېر وخته توکو له پلورلو او د غږیزې ککړتیا له رامنځته کولو څخه دې په کلکه ډډه وکړي؛ له دې پرته به له قانوني چلند سره مخ شي