د کابل ښاروالۍ له خوا او د خصوصي سکټور په مرسته، د یوولسمې ناحیې اړوند د پروان هوټل په سیمه کې د یوې سوداګریزې او استوګنېزې ودانۍ د جوړولو چارې پیل شوې. دغه ودانۍ به په (۳۵۰۰) متر مربع ځمکه کې د دوه پوړه تهکوۍ په ګډون په لسو پوړونو کې په بنسټيزه توګه د کابل ښاروالۍ د نقشې مطابق د دوه کارې کلونو په موده کې جوړه شي. د یاد مارکېټ دوه لاندي پوړونه پارکېنګ، لومړني درې پوړونه یې هټیو، رستورانت او سوداګریزو دفترونو او پاتې نورې یې استوګنیزو آپارتمانونو ته ځانګړي شوي دي. دغه راز په دې مارکېټ کې د لمریزې او ښاري برښنا، د خوندیتوب او اور وژنې سیستمونه، جومات، د سپورت ځای او د وتلو او ننوتلو دروازو آسانتیاوې هم په پام کې نیول شوې دي