د کابل ښاروالۍ له لوري د خصوصي سکتور د مشارکت کړنلارې له مخې د دویمې ناحیې اړوند د فروشګاه په سیمه کې د یوه سوداګریز مارکیټ د جوړولو چارې په معیاري او اساسي توګه روانې دي. ټاکل شوې ده یاد مارکېټ د اقتصادي ودې په موخه، په ۱۶۴۳ متر مربع ځمکه کې د دوو تهکویو په لرلو سره په ۹ پوړونو کې د کابل ښاروالۍ له نقشې سره سم تر دوه راتلونکو میاشتو پورې جوړ شي. د یاد مارکېټ دوه لاندني پوړونه د وسایطو د پارکېنګ لپاره ځانګړي شوي دي او په پورتنیو پوړونو کې یې ۸۰۰هټۍ جوړېږي چې، د لمریزې او ښاري برښنا سربېره پکې د خوندیتوب مسایل، د اور وژني سیستم، جومات، د سپورټ او نندارتون لپاره ځانګړي ځایونه او د وتلو او ننوتلو دروازې هم په پام کې نیول شوې دي