د ښاریانو د روغتیا خوندي ساتلو په موخه، د دیارلسمې ناحیې اړوند بازارونو څخه (۳۸۸۱)کیلو ګرامه بې کیفیته خوراکي او غیر خوراکي توکي چې د مصرف نېټه یې هم پای ته رسېدلې وه، او دغه راز (۱۸۱) لوډسپیکرونه چې، د غږیزې ککړتیا لامل ګرځېدلې وو راټول شول. د دیارلسمې ناحیې رئیس مولوي عبدالصمد عابد په دې اړه وویل: د یادې ناحیې په کچه له بازارونو څخه څارنې دوام لري او له ښاریانو یې وغوښتل چې، د خپلو اړتیا وړ توکو د پېرلو پرمهال د هغو نېټې او کیفیت ته پام وکړي. په همدې توګه له غږیزې ککړتیا څخه د مخنیوي په موخه، د یادې ناحیې د مسئولینو له خوا څارنې په جدي توګه روانې دي. همدا شان ګرځنده پلورونکو ته په جدي توګه سپارښتنه کيږي چې د خپلو توکو د پلورلو پر مهال د لوډسپیکر له کارولو څخه په کلکه ډډه وکړي ترڅو د غږیزې ککړتیا لامل نشي