د کابل ښاروالۍ د کار، ساتنې او مراقبت ریاست د نوې اداري ودانۍ د جوړولو چارې چې، څه موده وړاندې پیل شوې وې، څه باندې (۴۰) سلنه کاري پرمختګ لري او تر راتلونکو څلورو میاشتو پورې به بشپړې شي. دغه ودانۍ په (۸۵۰) متر مربع ځمکه کې د (۵) پوړونو او یوې تهکوۍ په درلودلو سره جوړیږي، چې په هغې کې دفترونه، د غونډو خونه، دهلیز، پخلنځي، د کاري وسایلو د ساتنې خونه او تشنابونه ډیزاین شوي دي. د کابل ښاروالۍ د کار، ساتنې او مراقبت ریاست چې د ښاري زیربناوو د جوړولو او ساتنې په برخه کې فعالیت کوي؛ د دې ودانۍ په جوړولو سره به د خپلو کارکوونکو لپاره غوره کاري چاپېریال رامنځته کړي