د دولسمې ناحيې مسئولينو د خوراکي او غیر خوراکي توکو د کيفيت د کنترول په لړ کې د دغې ناحیې له بازارونو څخه (١٤٧٢) کيلوګرامه بې کیفیته توکي چې د مصرف نېټه یې هم پای ته رسېدلې وه، او دغه راز (٥٧) لوډسپيکرونه چې، د غږیزې ککړتیا لامل ګرځېدل، راټول او د له منځه وړلو په موخه یې ټاکلي ځای ته ولېږدول. د یادې ناحیې د چاپېريالي روغتيا آمر مولوي عبدالکبير ظفري په دې اړه وويل: د ښاريانو د روغتيا د خوندي ساتلو په موخه، د دې ناحیې د چاپېريالي روغتيا آمریت له خوا له بازارونو څخه څارنې دوام لري او هيله ده، چې ښاريان د خپلو اړتیا وړ توکو د پېرودلو پر وخت د هغو نېټې او کيفيت ته پاملرنه وکړي. دغه راز ګرځنده پلورونکو ته خبرداری ورکول کېږي چې، د خپلو توکو د پلورلو پرمهال د لودسپیکر له کارولو څخه په کلکه ډډه وکړي