د کابل ښاروالۍ له خوا او د خصوصي سکتور په مرسته، د ۱۱مې ناحیې اړوند د پروان هوټل په سیمه کې د سوداګریزې او استوګنې ګډې ودانۍ د جوړولو چارې روانې دي. دغه مارکېټ به د کابل ښاروالۍ د نقشې مطابق، په (۳۵۰۰) متر مربع ځمکه کې د دوو تهکویو په ګډون، د (۱۰) پوړونو په درلودلو سره چې، دوه لاندني پوړونه یې د موټرو د پارکینګ، (۳) پوړونه یې د هټیو، رستورانت او سوداګریزو دفترونو او پاتې نور یې د استوګنې د (۹۰) آپارتمانونو لپاره ډیزاین شوي دې، د راتلونکو (۱۸) میاشتو په موده کې په معیاري او اساسي بڼه جوړ شي. دغه راز په دې ودانۍ کې د ښاري او لمریزې برېښنا، خوندیتوب او اور وژنې مسایل، د یوه جومات، د سپورت ځای او د ننوتو او وتلو لارو جوړولو آسانتیاوې هم په پام کې نیول شوې دي