برابرې پراختیا او لومړیتوبونو ته په کتو د کابل ښاروالۍ د ۱۴۰۴ کال د پرمختیايي پلان په تخنیکي ناسته کې د کابل ښار په کچه د یو شمېر نویو سړکونو د جوړولو په اړه بحث او خبرې وشوې. په دې ناسته کې د کابل ښاروالۍ د مالي او اداري چارو مرستیال مولوي سید عصمت الله عاصم وویل: د نویو سړکونو جوړول د ښار د اقتصادي ودې، د ګڼه ګوڼې د کمښت او ترانسپورتي زیربناوو ته د لاس رسي په برخه کې لومړیتوب ګڼل کیږي چې، لومړی به د سړکونو دقیقه سروې وشي او وروسته به په معیاري توګه ډیزاین او تدارکاتي پروسه به یې ترسره شي. په همدې توګه د کابل ښاروالۍ د ښاءي خدمتونو مرستیال مولوي محمد خالد سجستاني وویل: د تخنیکي او فني مشورو پر بنسټ به د ۱۴۰۴ کال پرمختیايي پلان یو هر اړخیز پلان وي چې، په پلي کېدو سره به یې ښاریان د کابل ښار د معیاري او اقتصادي ودې شاهدان وي. نوموړي وړاندې وویل چې، د اړتیاوو او امکاناتو د پېژندلو په برخه کې به لا ډېر مطالعات ترسره شي. ورته مهال د کابل ښاروالۍ د پلان جوړونې او ښاري پراختیا مرستیال ډاکتر صدرالدین تاجک وویل چې، د نویو سړکونو په جوړېدو سره به غیر پلاني سیمي په پلاني بدلې او له بلې خوا به په بېلابېلو زونونو کې ښاري زیربناوې رامنځته شي. نوموړي زیاته کړه چې، د راتلونکي ۱۴۰۴ کال په پرمختیايي پلان کې د اصلي او فرعي سړکونو جوړولو، د سړکونو روښانولو، د پلولارو، کانالونو، لښتیو، کوچنیو پلونو، پارکونو او زرغونو سیمو جوړولو، د ماشینرۍ او تجهیزاتو پېرلو، د یو شمېر پروژ ډیزاین او د ښاري تاسیساتو بیارغونې ته ځای ورکړل شوی دی. د یادونې وړ ده چې، د ۱۴۰۴ کال د پرمختیايي پلان په اړه په څلورمه ناسته کې تر بحث او خبرو وروسته په پنځلسمه، شپاړلسمه، اوولسمه، شلمه، یو ویشتمه او دوه ویشتمه ناحیو کې د یو شمېر سړکونو د جوړولو په اړه اړین تصمیمونه ونیول شول