د سطحي اوبو د مدیریت په موخه،د پنځمې ناحیې اړوند د قرغې فامیلیو په سیمه کې د اوبو د یوه کانال د جوړولو چارې چې، څه موده وړاندې د کابل ښاروالۍ له خوا پیل شوې دي، تر اوسه (۷۰) سلنه پرمخ تللې او ټاکل شوې چې د راتلونکې یوې میاشتې په موده کې بشپړې شي. د کابل ښاروالۍ د برنامو او پروژو د تنظیم ریاست د مسئولینو د معلوماتو له مخې، دغه کانال چې (۴۹۰) متره اوږدوالی، (۱.۹) متره سور او (۱.۶) متره ژوروالی لري، د ذاکرین – قرغې سړک او د قرغې د فامیلیو سیمو د کوڅو سطحې اوبه د قرغې آبرېزې ته لېږدوي. د دغه کانال په جوړېدو سره به له یوې خوا د سېلابونو راوتلو له امله د ور څېرمه سیمو ستونزې په بشپړه توګه حل او بله خوا به د سړکونو د ژر ویجاړیدو مخه هم ونیول شي