د کابل ښاروالۍ د زرغونتیا ریاست له لوري د ۲ میلیونه ۳ سوه ۴۴ زره افغانیو په ارزښت د دویمې ناحیې اړوند د کابل ولایت مقام له مخې تر شیرپور څلورلارې پورې د صدارت څلورلارې د سړک د منځ ګلدان د نصبولو او رنګولو چارې بشپړې شوې. د زرغونتیا ریاست مرستیال سراج الدین پټان وویل چې، دا کټارې د ۹۶۰ مترو په اوږدوالي او د ۱.۲ مترو په لوړوالي د زرغونو سیمو د ستاتنې، ترافیکي نظم او ښاري ښکلا رامنځته کېدو په برخه کې له خورا ارزښت څخه برخمنې دي. نوموړي زیاته کړه چې، په دې ګلدانونو کې د نیالګیو او زینتي بوټو کینولو سربېره چمن هم کرل شوی چې، په دوامداره توګه به ترې ساتنه وشي